వృద్ధులు, దివ్యాంగులకు ప్ర‌త్యేక ద‌ర్శ‌నం పున‌రుద్ధ‌రించ‌లేదు

స్పష్టం చేసిన తిరుమల తిరుపతి దేవస్థానం అధికారులు

తిరుమల: వృద్ధులు, దివ్యాంగులు, చంటిపిల్ల‌ల త‌ల్లిదండ్రుల‌కు స్వామివారి ప్ర‌త్యేక ద‌ర్శ‌నాలను పున‌రుద్ధ‌రించలేదని తిరుమల తిరుపతి దేవస్థానం అధికారులు స్పష్టం చేశారు. సామాజిక మాధ్యమాల్లో అవాస్త‌వ స‌మాచారం జరుగుతోందని, ఇది నిజ‌మ‌ని న‌మ్మి అనేకమంది తిరుపతికి వ‌చ్చి ఇబ్బందులు ప‌డే అవ‌కాశం ఉండడంతో ఈ విష‌యం గుర్తించాల్సిందిగా టిటిడి అధికారులు భ‌క్తులకు విజ్ఞ‌ప్తి చేశారు.

గ‌త కొన్ని రోజులుగా సామాజిక మాధ్య‌మాల్లో తిరుమ‌ల‌లో వృద్ధులు, దివ్యాంగులు, చంటిపిల్ల‌ల త‌ల్లిదండ్రుల‌కు ప్ర‌త్యేక ద‌ర్శ‌నాలు పున‌రుద్ధ‌రించిన‌ట్టు వార్తలు వస్తున్న నేపథ్యంలో టీటీడీ స్పందించింది. కరోనా వైరస్ కేసులు అదుపులోకి వ‌చ్చాక ఈ ద‌ర్శ‌నాల పున‌రుద్ధ‌ర‌ణ‌పై త‌గిన నిర్ణ‌యం తీసుకుని మీడియా ద్వారా భ‌క్తుల‌కు తెలియ‌జేయ‌డం జ‌రుగుతుందని వారు వెల్లడించారు.

అధికారిక ప్ర‌క‌ట‌న వెలువ‌డే వ‌ర‌కు సామాజిక మాధ్య‌మాల్లో వ‌చ్చే అవాస్త‌వ స‌మాచారాన్ని న‌మ్మ‌వ‌ద్ద‌ని తితిదే కోరింది. కాగా, కోవిడ్ వ్యాప్తి నేప‌థ్యంలో గతేడాది మార్చి 20వ తేదీ నుంచి వృద్ధులు, దివ్యాంగులు, చంటిపిల్ల‌ల త‌ల్లిదండ్రుల‌కు ప్ర‌త్యేక ద‌ర్శ‌నాల‌ను నిలిపివేసిన విషయం తెలిసిందే

మునుపటి వ్యాసం