నల్గొండ: అమెరికా(America) మేరీల్యాండ్‌లో జరిగిన కాల్పుల్లో నల్గొండకు చెందిన వ్యక్తి మృతి చెందాడు.  సాఫ్ట్‌వేర్‌ ఉద్యోగిగా పనిచేస్తున్న సాయిచరణ్‌ (26) దుండగుడి కాల్పుల్లో ప్రాణాలు కోల్పోయాడు. గత రెండేళ్లుగా సాయిచరణ్‌ అమెరికా(America)లో సాఫ్ట్‌వేర్‌ ఇంజనీర్‌గా పని చేస్తున్నాడు. కాల్పులకు పాల్పడింది ఓ నల్లజాతీయుడి అని తెలుస్తోంది. అయితే ఈ ఘటనపై ఇంకా స్పష్టత రావాల్సి ఉంది. ఆదివారం సాయంత్రం స్నేహితుడిని ఎయిర్‌పోర్ట్‌లో డ్రాప్ చేసి కారులో వస్తుండగా.. ఓ నల్లజాతీయుడు కాల్పులకు తెగబడినట్లు సమాచారం. కుమారుడి  మృతి వార్త  తెలుసుకున్న తల్లిదండ్రులు కన్నీరుమున్నీరుగా విలపిస్తున్నారు. సాయిచరణ్‌ భారత్ మృత దేహాన్ని భారత్ రప్పించాలని ప్రభుత్వానికి విజ్ఞప్తిచేశారు