అమెరికా అధ్యక్షుడు బైడెన్ ఇంట్లో ఆ దేశ దర్యాప్తు సంస్థ FBI సోదాలు నిర్వహించింది. ఏకంగా 13గంటలపాటు సోదాలు చేసి...కీలక ఫైళ్లను స్వాధీనం చేసుకుంది. అమెరికా చట్టాలకు దేశాధ్యక్షుడైనా సామాన్య ఉద్యోగి అయినా ఒక్కటే. గతంలో కూడా దర్యాప్తు సంస్థలు సోదాలు నిర్వహించి పలు కీలక డాక్యుమెంట్లు స్వాధీనం చేసుకున్న విషయం తెలిసిందే.

దేశ భద్రతకు సంబంధించిన కీలక పత్రాలను జో బైడెన్ తన ఇంట్లో పెట్టుకున్నారనే వార్తలు రాగా.. అదే సమయంలో బైడెన్ కొడుకు ఆ ఇంటికి పలుసార్లు వెళ్లివచ్చినట్లు వార్తలు వచ్చాయి. దీంతో ఎఫ్బీఐ రంగంలోకి దిగి బైడెన్ ఇంటిని సోదా చేసింది. కాగా బైడెన్ కొడుకు ల్యాప్ ట్యాప్ లో కొన్ని కీలక పత్రాలకు సంబంధించిన సమాచారం ఉన్నట్లు న్యూయార్క్ టైమ్స్ పత్రిక ఓ కథనంలో ప్రచురించింది.